اقوى عروض خطوط الموبايل في المانيا من WINSIM


كتير من الناس بتعاني من موضوع عقود خط الموبايل اليوم جايبلكم شركة بتعمل عقد ب ايدك وبيوصلك علبيت وكلشي واضح وسهل واسعار مقبولة بس بدك تنتبه اثناء عمل العقد ماتفعل ميزات اضافية حتى لو مكتوب السعر 0,00 لانه بيكون فقط اول شهر مجانا وبعدا بيتم السحب الرجاء الانتباه لهل موضوع .
اسعار الباقات
7.99 يورو شهريا 2 جيغا انترنت مع اتصال مفتوح ثابت وموبايل .
10.99 يورو 3 جيغا انترنت مع اتصال مفتوح ثابت وموبايل .
13.99 يورو 4 جيغا انترنت مع اتصال مفتوح ثابت وموبايل .
سعر الخط لمرة واحدة 14.99
في عرض على سعر الخط 9.99 فقط مع عقد الباقات 3 جيغا و 4 جيغا لغاية 2_5_2017
في امكانية لاختيار الرقم الي بيناسبك طبعا بيندفع سعر الرقم بشكل اضافي بغض النظر عن سعر الخط او اذا بدون اختيار مابتدفع شي اضافي .
في ميزة جديدة رح تبدأ اعتبارا من الشهر الخامس ان الاتصال واستخدام الانترنت نفس الشيئ داخل وخارج المانيا طبعا ضمن الاتحاد الاوربي ورح يزيد 2 يورو شهريا واذا مابتلزمكم الخدمة فيكم توقفوا من موقع الشركة بعد ادخال اسم المستخدم وكلمة المرور . طبعا وصلني رسالة من الشركة للخدمة ومكتوب فيها ان في امكانية الغاء الخدمة قبل 30_4_2017 مابعرف اذا بعد التاريخ للخطوط الجديدة رح يكون ميزة اجبارية او لاء من ناحيتي مالغيتها لانو بستفيد من الاتصال وكتير مننا عندو اصدقاء واقرباء بغير دول في الاتحاد الاوربي .
ملاحظة مهمة بخصوص اسم المستخدم وكلمة المرور :
اول شي لما بتعبي الفراغات بل موقع مكتوب Hotline-Kennwort
بهل خانة بتحط كلمة سر الخاصة فيك لحتى تدخل على حسابك لبرنامج winsim
رح تنزله على موبايلك متل برنامج نفس المبدأ ALDI بتلاقوه على غوغل بلاي او ابل ستور Winsim بعد ما اتتمت الطلب رح يبعتولك ايميل فيه اسم المستخدم Benutzername مع اسم المستخدم وكلمة السر يلي حطيتها بتقدر تفوت على حسابك وعلى البرنامج الخاص بل سيم كارت على موبايلك .
رح يوصلك الخط وتشغلو رح يطلب PIN لذلك اول شيئ بتفوت على البرنامج او الموقع وتسجل دخول وقتها بتلاقي ارقام ال PIN
ملاحظة اخيرة اذا خلص رصيد الانترنت قبل نهاية الشهر رح تتفعل بشكل تلقائي باقة 200 ميغا السعر 2 يورو ل 3 مرات وكل مرة 2 يورو مشان هيك وجود البرنامج ضروري جدا للمراقبة طبعا يلي عندو واي فاي بلبيت مايقلق لانو بيكفي وبيزيد .
الخط انا مجربه صرلو معي 8 شهور وممتاز جدا والشبكة نفس شبكة O2 مع LTE
مفعل باقة 2 جيغا وعم تكفي وتزيد بلنهاية حسب الاستخدام خارج المنزل .
الشركة اسمها WINSIM يلي حابب يعمل عقد 24 شهر من موقع رسمي من هنا مباشرة

ليست هناك تعليقات

يتم التشغيل بواسطة Blogger.